Ինքնավերահսկման մասին...

Ուոլթեր Միշելի հայտնի «զեֆիրային փորձի» ընթացքում ապացուցվեց, որ ինքնատիրապետում ունեցող մարդիկ կյանքում ավելի հաջողակ են: Նրանք արագ հասնում են սահմանված նպատակներին և ինքնադրսևորվում տարբեր ոլորտներում: Գիտնականները պնդում են, որ ինքնատիրապետելու ունակությունը կարելի է զարգացնել և առաջարկում են դրա համար 4 պարզ տարբերակ: Բայց, նախևառաջ, հասկանանք, թե ինչ է «զեֆիրային փորձը»: Այն անց է կացվել 1960-ականներին: 4 տարեկան երեխաներին տվել են զեֆիր և խոստացել ևս մեկ կտոր, եթե նրանք չուտեն դա առաջիկա 15 րոպեների ընթացքում: 40 տարիների ընթացքում Ուոլթերը հետևելով այդ երեխաներին, հոգեբանական թեստեր է անցկացրել, համեմատել նրանց ձեռքբերումները, կարիերայի աճը, անձնական կյանքը և այլն: 2006 թվականին գիտնականն ի վերջո հրապարակեց իր այդչափ երկար ուսումնասիրության արդյունքները: Պարզվել է, որ նրանք, ովքեր չեն կերել զեֆիրն անմիջապես, շատ ավելի քիչ կախվածություն են ունեցել, ինչպես նաև հուզական և միջանձնային խնդիրներ: Նրանք ավելի հաջողակ էին և կյանքի տարբեր ոլորտներում կարողացել են ինքնադրսևորվել:
Ինքնատիրապետումը դա սեփական զգացմունքները, հուզմունքները և վարքագիծը կառավարելն է: Ինքնատիրապետման պակասի ծայրահեղ դրսևորումը համոզմունքն է, որ «Այն, ինչը լավ է ինձ համար, ուրիշների համար նույնպես լավ է»: Դա կանխելու համար անհրաժեշտ է մարզել ինքնակառավարումը: Ահա չորս տարբերակ, որոնք կօգնեն ձեզ: Դրանց հեղինակը Հարրի Չեմբերսն է՝ «Միկրոմենեջմենթ» գրքի հեղինակը.
1. Հստակ գնահատեք, թե որ հաղթանակներին եք դուք ձգտում: Շատ հաճախ այն անձը, ով չգիտի, ինչպես ինքնավերահսկել իրեն, ձգտում է հաղթել ցանկացած վեճում: Նա նույնիսկ վիրավորվում է, եթե որևէ մեկը համաձայն չէ իր հետ («եթե մարդը համաձայն չէ իմ տեսակետի հետ, ապա նա ինձ չի հարգում»): Հաշտվեք այն մտքի հետ, որ մարդիկ մտածում են տարբեր կերպ, և հնարավոր չէ հաղթել բոլոր մարտերում: Մի վատնեք ձեր էներգիան անհեթեթ պայքարներում, սովորեք զիջել:
2. Հրաժարվեք այնպիսի հայտարարություններից, ինչպիսիք են «Չէ՞ որ ես ասում էի...»: Հարկավոր չէ ուրիշներին հիմարի դեր տալ, նրանց «աչքը խոթելով» կատարած սխալները: Ավելի խելամիտ է համեստ ներդրում ունենալ նրանց ապագա հաջողությունների գործում:
3. Հարգեք ուրիշների կյանքի փորձը: Ինքնավստահության պակասից տառապող մարդկանց սովորաբար մեղադրում են նրանում, որ նրանք չեն ցանկանում լսել ուրիշներին: Մարդուն լսել նշանակում է մտնել նրա դրության մեջ: Նա, ով չի կարողանում անել այդ բանը, անկեղծորեն չի հասկանում, թե ինչու է դա անհրաժեշտ: «Ինչու՞ լսեմ, եթե ես արդեն գիտեմ, թե ինչ է ասելու»: Նման մարդիկ խաբկանքի մեջ են, նրանց կարծիքով, իրենք գիտեն բոլոր հարցերի պատասխանները: Ժամանակ առ ժամանակ հիշեցրեք ինքներդ ձեզ, որ կյանքի փորձ ունեք ոչ միայն դուք: Աշխատակիցներն ու գործընկերները կարող են ձեզ հուշել այլընտրանքային տարբերակներ: Անշուշտ, նույնիսկ դուք ինչ-որ բաներ կսովորեք նրանցից:
4. Խուսափեք այլ մարդկանց որոշումները քննադատելուց: Եթե նույնիսկ համաձայն չեք ղեկավարության որոշումների հետ, ապա դա մի քննարկեք գործընկերների և ենթակաների հետ: Եթե դուք չեք կարող արտահայտել ձեր անհամաձայնությունն անմիջական ղեկավարությանը և ազդել որոշման վրա, ապա փորձեք ձեր կարծիքը պահել ձեր մեջ: Քանի որ դժգոհությունը վարակիչ է:

 

Անի Եսայան
  • 150

    Employees

  • 1008

    Clients

  • 15

    Years of Experience

Latest News

Contact Info

  • "Art-Lar Finance & Accounting" LLC
  • +374 10 44-40-08  |  +374 60 52-27-27  |  +374 44 52-27-27  |  +374 98 52-27-27
  • +374 10 44-41-05
  • 48/2 Garegin Nzhdeh Str., Yerevan, 0026, RA
Save

Contact Us

Name*
Invalid Input

E-mail*
Invalid Input

Message*
Invalid Input

*

  RefreshInvalid Input