Այդքան էլ դժվար չէ նոր բան սովորելը...

     Գոյություն ունեն մի շարք մեթոդներ, որոնց միջոցով կարելի է նոր բան սովորել, դարձնել ինքնակրթվելու գործընթացն ավելի դյուրին և արդյունավետ: Այդ մեթոդներն այնքան էլ հասարակ չեն: Դրանցից մի քանիսը վերցված են կենդանիների վարժեցման մեթոդիկայից, բայց դրանք հեշտությամբ կարող են օգտագործվել նաև մարդկանց դեպքում: Այս հնարքները կօգնեն արագացնել ուսուցումը և երկար ժամանակ պահպանել արդյունքները:
     1.    Երբ դանդաղ է ընթանում զարգացումը: Ուսուցանվողը պետք է հեշտությամբ կատարի նոր պահանջը: Չի կարելի ստիպել մարդուն արագացնել գործընթացը, հակառակ դեպքում նա արդյունք չի տեսնի և կհրաժարվի հետագա գործողություններից:
      2.    Վարքի յուրաքանչյուր էլեմենտ ունի իր ժամանակահատվածը: Դուք չեք կարող դելֆինին սովորեցնել երկու բարդ էլեմենտ կատարել միևնույն ժամանակ:
Երբեմն մենք շատ վարժություններ ենք կատարում, բայց առաջընթացը և արդյունքը շատ դանդաղ է: Պատճառն այն է, որ մենք փորձում ենք միանգամից բարելավել երկու կամ ավելի հմտությունների տարրեր: Օրինակ, երբ փորձում է մեկը գոլֆ խաղալ սովորել, նրա հիմնական սխալն այն է, որ ցանկանում է միանգամից անել և՛ չափավոր ուժեղ, և՛ ուղղորդված գնդակի հարված: Այս հմտության ձևավորումը կարող է մի քանի ամիս խլել: Այնինչ, գոլֆ խաղալ սովորելու համար ընդամենը մի քանի օր է պետք, եթե քայլ առ քայլ գործեք, առանց շտապելու:
     3.    Սովորել կարող եք ինչ-որ բան՝ սկսելով վերջից: Բաժանեք, օրինակ, բանաստեղծությունը, երգը, տեքստը մասերի և սկսեք հիշել այն վերջից: Խորամանկությունը նրանում է, որ դուք կշարժվեք առաջ անծանոթից դեպի այն, ինչը սովորել եք, իսկ դա հոգեբանորեն ավելի հեշտ է: Ծանոթ նյութը կծառայի դրականի ամրապնդմանը:
     4.    Ժամանակն է հարմարվել: Մեկ անգամ ձեռք բերված հմտությունը սովորաբար չի մոռացվում, բայց եթե խնդիրը դառնում է ավելի բարդ կամ իրավիճակը փոխվում է, ապա հմտությունը կարող է ժամանակավորապես «անհետանալ»: Օպերայի փորձերից մեկի ժամանակ տեղի է ունեցել միջադեպ. երգչախումբը շատ սխալներ է թույլ տվել երգելու մեջ, և դիրիժորը նույնիսկ սկսել է անհանգստանալ պրեմիերայի համար: Ձախողման պատճառը նոր ծանր հագուստն էր, անսովոր դեկորացիաները և նոր շարժումները: Աստիճանաբար երգիչները հարմարվեցին միջավայրին, սկսեցին երգել այնպես, ինչպես որ նրանք սովոր էին:
     Եթե երկար ժամանակ է անցել, և դուք չեք կարող հիշել, օրինակ, մի բանաստեղծություն, օտարալեզու բառեր կամ հեծանիվ վարելու տեխնիկան, ապա հարկավոր է սկսել հենց սկզբից, կոնկրետ ինչից եք սկսել սովորել տվյալ հմտությունը և արագորեն կրկնել զարգացման բոլոր փուլերը: Թարմացնելով հիշողությունը, կրկին կարող եք օգտագործել «մոռացված» հմտությունը:
     5.    Առանց ավելորդ բառերի: Մարդկանց վարքագիծը ավելի լավ է ձևավորել այնպես, որ նրանք նույնիսկ չնկատեն, այսինքն` ոչ գիտակցական մակարդակում: Հենց այդ պատճառով էլ ավելի լավ կլինի լինել քչախոս: Երբ դուք բարձրաձայն ասում եք. «Դու կվարձատրվես կամ քեզ կգովաբանեն եթե ... մաքրես սենյակդ, դադարես ծխել և այլն», ուսուցանումը դառնում է կաշառք: Անձը, գիտակցելով, թե ինչ է տեղի ունենում, կարող է դիտավորությամբ գործել հակառակ ձևով: Հատկապես պետք չէ բարձրաձայնել, որ դուք կարողացաք փոխել ուրիշի վարքագիծը («Տեսնու՞մ ես, ես կարողացա այնպես անել, որ դու թողնես ծխելը, բայց դու դա չես էլ նկատել»): Մարդուն կարող է դուր չգալ, որ իրեն «մանիպուլյացիայի են ենթարկել», և նա կկործանի ձեռք բերված արդյունքները, նույնիսկ եթե ինքը նախկինում ձգտում էր հասնել այդ արդյունքի: 
     6.    Ձեռքբերումների օրագիր: Դժվարագույն խնդիր է ինքներդ ձեզ սովորեցնելը, ինքնուրույն կրթվելը: Օրինակ, դուք կարող եք ձեր առջև դնել նպատակ վերահսկել ձեր քաշը կամ գերածախս չանել: Սովորաբար ինքնակրթությունը պահանջում է բավականին շատ ժամանակ, բազմաթիվ մեթոդների կիրառում, մինչև որ չի գտնվում իդեալական տարբերակը: Միակ աշխատող տարբերակը՝ ինքներդ ձեզ ամրապնդելու համար վարել ձեռքբերումների օրագիր: Երբ ձեզ թվում է, որ տեղում դոփում եք, բավական է նայել գրաֆիկին և տեսնել, որ այժմ իրավիճակը ամեն դեպքում ավելի լավ է, քան մեկ տարի առաջ:

 

Անի Եսայան

 

  • 150

    Employees

  • 1008

    Clients

  • 15

    Years of Experience

Latest News

Contact Info

  • "Art-Lar Finance & Accounting" LLC
  • +374 10 44-40-08  |  +374 60 52-27-27  |  +374 44 52-27-27  |  +374 98 52-27-27
  • +374 10 44-41-05
  • 48/2 Garegin Nzhdeh Str., Yerevan, 0026, RA
Save

Contact Us

Name*
Invalid Input

E-mail*
Invalid Input

Message*
Invalid Input

*

  RefreshInvalid Input